4 февраля 2020

Хотимчане зноў у ліку лепшых

Заўсёды прыемна паведамляць пра дасягненні, перамогі і ўзнагароды нашых землякоў. Дыпломам пераможцы ў абласным конкурсе ад ГА «БРСМ» «Валанцёр года - 2019» у намінацыі «Лепшая навучальная праграма для валанцёраў» адзначана «Чалавек года Магілёўшчыны» ж Вольга Аляксандраўна Летнікава.

- Безумоўна, вельмі прыемна і хвалююча атрымліваць чарговую ўзнагароду. Ўдзячная ўсім, хто аказваў падтрымку і прымаў актыўны ўдзел у рэалізацыі майго праекта. У некалькіх словах аб праграме: яна складаецца ў падрыхтоўцы маладых лідэраў БРПА і БРСМ у асяроддзі аднагодкаў і накіравана на здаровы лад жыцця. Летам на базе Веткаўскага ВПК працаваў профільны лагер для высокаматываваных школьнікаў «Умка», і ў нас была цудоўная магчымасць выпрабаваць на практыцы ўсе напрацоўкі. Старэйшыя хлопцы паспрабавалі сябе ў ролі валанцёраў і праводзілі працу з малодшымі дзеткамі. Зараз нашы юныя валанцёры ўжо самастойна, без старонняй дапамогі, могуць правесці любы конкурс альбо акцыю, - адзначыла Вольга Александраўна. 

Таксама ў рамках прайшоўшага пленума Падзякай за актыўны ўдзел у дабрачынным марафоне «Усе фарбы жыцця» была адзначана Вольга Рэўсава, першы сакратар РК ГА «БРСМ».

Вольга Зайцава

«Шлях Кастрычніка»